Machaxx Valfi!

Aage padhne se pehle bol du ki pehle baar is post ko Hinglish(English mein likhi hui Hindi) mein likh raha hoon - kyon ki apna Valfi bhi zyaadatar usi style mein hua tha - aur uss wajah se aur bhi mazeedaar tha. To thoda bahut grammar aur transliteration ka galtiyon ko maaf kardo..

Kal raat zabardast thi - Aakhir mein apne H-14 walo ki Valfi ban gayi - aur wo bhi poora pagalpanti aur masti ke saath :)

Sabse pehle to hamari CS Mtech batch ki procrastination aur baad mein last minute effort dalne ka character ko tarif karna hi padega - valfi se ek din pehle tak log thanda the - itni ki valfi ke liye stage bhi book nahi kiya! Aur phir valfi ke pichle sham ko aakhirkar kuh paanch saath logo ka facebook mein valfi threads chalu kar diya...

To phir jaake valfi ke ek ghante pehle function ke coordinator aur Secy ke saath fight marke bacha hua 6th floor ka jagah le li - stage-vage kuch nahi - magar ek light to lagwa liya. Aur 10 baje tak logon ka profile banate rahe, banate rahe...

Magar apne bande bhi hain bahut hoshiyar - music room se laaye speaker aur mike, tablet aur laptop mein profiles ke saath; aur khudh ka cameras, extensions aur chargers leke ready ho gaye valfi ko 11 baje.

Aur tab se shuru hua - laughter pe laughter, bharpoor bhakchodi, dher saare non-veg gande jokes, total taang kichayi, past aur present ke girlfriends aur crushes, nashe mein kiye hue cheesey, sharamnak incidents, dark secrets, aur end mein thoda appreciation bhi - bole to fultu entertainment !!

Kuch highlights is tarah hain:

• Dan ki to sab lete hain; aur uske khane ka range gazab hain.
• Aarif hain download, DP aur online shopping ke expert - hai isko penthouse ke sapne aur bahut kuch.
• Peeyush hain ladkibaaz aur bhayankar coder - aur Mumbai ke trains to isse hi chalte hain.
• Madnani ka sirf do mood hain - spiritual aur sexual(aur unke rangeen daastane)
• Bol Burange ka pol khul gaya - Goa ho ya IITB - Burange ulti optimize karta hain.
• Kashyap ek hi wo banda hai jo PB ke bare mein complaint nahi karta, aur koi negative point nahi hai iska.
• Rajesh ki daaru ke baad kiye hue kaarnaame hai bahut saare.
• Yogesh ke explanation kisi ko samaj nahi aata - phir bhi koi phir se Samjha Na sunna nahi chahta.
• Manish hai senti aur fundebaaz - aur poore wing ko pata lagta hai ki kab ye naha raha hai..
• Siddhanth to 11 baje ki baat alag hi aadmi ban jata hai - aur uska oracle ka interview ka koi jawab nahin!
• Anuj nikla sabse bada chuppa rustam - hai iski GF bahut pehle se - Google, Visa aur GF: kuch baaki nahi raha is bande ki!
• Dabre ki muh uske height se jyaada hai - bahut ladkiyo ko kiya impress, phir bhi pata nahi paya ek ko.
• Ananth ke paas hai bahut stories - lekin hai bhulakkad bhi, sabko course mein help karta hain, par uski grade ka lag jati hai end me.
• Senthil ka to hain kahi punchlines, aur Deepika pe hain fida all the time; Khud ko kahta hai LPG - Low Profile Guy.
• Ramteke hain best bahut saare cheeso main, phir bhi hain Down to Earth.

.......................

aur bhi bahut saare kisse - jin pe has has ke sabhi log thak gaye!

Mera bhi thoda bahut khichayi hui - upar wale hastiyo ke saat compare nahi kar sakte ho, phir bhi - mazaa to aaya. Pehle to Title diya 'Chindi' - aur pizza ka har piece main hisaab dalke pay karne ka kaarnaama bataaya. Phir aayi baat naya facebook profile banane ka reason. Isi bahane main ne 'self-experience' ke do baat bataaya:

1. Jab ladki ke saat ho to kaan pe earphone lagake usko ignore mat karna

2. Jab uske saat bus mein jaa rahe ho to use sone mat dena - kuch baat mein lage raho

Magar apne class ke ladke to iss baat mein mahir hain - shaayad kisi ne suna bhi nahi; aur kahi doosre baaton mein bhi bahut bakkarchodi hui :D

To anth mein poore raat masti aur baatein ki barsaat ke baad subah ko 7 baje hamara Valfi khatam hua, aur last wala Valfi toh dirty jokes ke limit paar kar di! Bas uske baad breakfast kiya aur so gaya - aur utha to shaam ke saade-paanch baj chuke the!!

Is sab ke baad to picture kheechna banta hain(Kuch log to missing hain - picture main aur upar ke kahaniyon me, maaf karo aur adjust karlo...) :-